الشاعر عبد الهادي الرويلي في الشيخ ماجد العريعر

سلام ياشيـخ(ن) يكـف القبايـل
شيخ(ن) طويلات الشوارب قصرها
حر(ن) مهدد من خيـار الحمايـل
ماجـد بفقـدان الليالـي قمرهـا
ابن عريعـر مايبـي لـه دلايـل
الشيخ كسّاب الثنـا عـن بشرهـا
اقولهـا والكـل شاهـد وقـايـل
يشهد لهم مـن باللوايـح نشرهـا
يـوم الرجـال مقـدّره بالفعايـل
سادوا وبادوا من وقع في نحرهـا
من عهد ماضيهم وهـم بالنفايـل
كسّابة النامـوس واعـلا فخرهـا
طيب وشجاعه لاظهر كل عايـل
بمصقّلن حمـر الأدامـي نثرهـا
بافعالهـم تشهـد جمـوع وقبايـل
ذولا بني خالد زبن مـن خطرهـا
افعالهـم ماتنحصـى بالرسـايـل
أول وتالي كل من جـاء ذكرهـا
يانعـم والله كامليـن الخصـايـل
مهما نقـول بمدحهـم نختصرهـا